13 мая (30 апреля) 2017 года - Собор новомучеников, в Бутове пострадавших
Собор новомучеников, в Бутове пострадавших
Тропарь собору новомучеников, в Бутове пострадавших
глас 4
Всуе шатается богоотступных соборище,на Христа возстает древней лютостию,устрелянием убо тщится дерзостне христоносных в Бутове мученик одолети,но всеславное тех Серафимово воинство,всеоружие восприим Креста,утверждает веру ревностию,упование страстотерпчеством, водворяяся в Царстве всепобеждающия любве.
Иной тропарь собору новомучеников, в Бутове пострадавших
глас 4
Нивы церковныя класы безчисленнии/ плод сторичный яве приносят/ смертным страданием в Бутове за Христа/ полагаются в основание веры/ укрепляют надеждею небесных/ добропобедныя свидетелие Истины и Любве/ дерзновении о нас молитвенницы/ се бо кровь мученическая/воистину семя Церкве есть.
Кондак собору новомучеников, в Бутове пострадавших
глас 6
Русская Голгофа Бутово-село показася, яко древо спасения воздвигше Соловецкий крест, яко гроб святый явивше пребезмолвныя рвы – громогласныя свидетелие страстей и воскресения.
Молитва собору новомучеников, в Бутове пострадавших
О святии бутовские мученицы и вси исповедницы и номученицы российстии, во всяком возрасте и сословии за Христа пострадавшие, верность Ему даже до смерти свидетельствовавшие и венец жизни от Него приявшие. Вы во дни гонения лютаго, землю нашу от безбожных постигшаго, на судищах, в заточениях и пропастех земных в горьких работах и всяких скорбных обстояниях образ терпения и непостыднаго упования мужественно явили есте. Ныне же в раи сладости наслаждающися пред престолом Божиим во славе предстоите и присно хвалу и ходатайство со ангелы и всеми святыми Триединому Богу возносите.
Сего ради мы недостоиные молим вас святые сродницы наши, не забудете земнаго отечества вашего, грехом Каиного братоубийства, поруганием святынь, безбожием и нашими беззакониями отягоченного.
Умолите Господа сил да утвердит Церковь Свою непоколебимую в мире сем многомятежном и лукавом. Да возродит в земли нашей дух разума и благочестия, дух святости и страха Божия, дух братолюбия и мира, да паки будем мы царское священие, род Божий, избранный и Святый, присно с вами славящии Отца и Сына и Святаго Духа во веки веков. Аминь.
Проповедь протоиерея Александра Симакова в 4-ую субботу по Пасхе