15 (2) октября 2017 года - Неделя 19-я по Пятидесятнице. Глас 2-й
Сегодня в скиту Алексеевского ставропигиального женского монастрыря при храме свт. Тихона Задонского Божественную Литургию отслужил протоиерей Александр Симаков, а принимавший исповедь архимандрит Тихон (Марилов) совершил также Таинство Причащения.
В этот день Церковь совершается память святых священномучеников Киприана и Иустины, блаженного Андрея юродивого и благоверной Анны Кашинской.
Сщмчч. Киприан и Иустина
Тропарь священномученику Киприану и мученице Иустине,глас 4
И нравом причастник,/ и престолом наместник апостолом быв,/ деяние обрел еси, богодухновенне,/ в видения восход:/ сего ради, слово истины исправляя,/ и веры ради пострадал еси даже до крове,/ священномучениче Киприане,/ моли Христа Бога// спастися душам нашим.
Кондак священномученику Киприану и мученице Иустине, глас 1
От художества волшебнаго обратився, богомудре,/ к познанию Божественному,/ показался еси миру врач мудрейший,/ исцеления даруя чествующим тя, Киприане со Иустиною:/ с неюже молися Человеколюбцу Владыце// спасти души наша.
Молитва священномученику Киприану
О, святый угодниче Божий, священномучениче Киприане, скорый помощниче и молитвенниче о всех к тебе прибегающих! Приими от нас, недостойных, хваление сие; испроси у Господа Бога в немощех укрепление, в печалех утешение и всем вся полезная в жизни нашей; вознеси ко Господу благомощную твою молитву, да оградит нас от падений греховных, да научит нас истинному покаянию, да избавит нас от пленения диаволъскаго и всякаго действия духов нечистых и укротит обидящих нас. Буди нам крепкий поборник на вся враги видимыя и невидимыя; подаждь нам терпение в искушениих и в час кончины нашея яви нам заступление от истязателей на воздушных мытарствех; да водимии тобою, достигнем Горняго Иерусалима и сподобимся в Небеснем Царствии со всеми святыми славити и воспевати пресвятое имя Отца и Сына и Святаго Духа во веки веков. Аминь.
Блж. Андрей юродивый
Тропарь блаженному Андрею, Христа ради юродивому
Глас апостола Твоего Павла услышав, глаголющ:/ мы юроди Христа ради,/ раб Твой, Андрей, юрод бысть на земли/ Тебе ради, Христе Боже./ Темже ныне память его почитающе,/ Тебе молимся, Господи, спаси души наша.
Кондак блаженному Андрею, Христа ради юродивому, глас 4
Во юродство претворився волею,/ мира сего красоты отнюд возненавидел еси,/ плотская мудрования увядил еси постом и жаждею, и зноем,/ и студению мраза,/ от дождя и снега, и от прочия воздушныя тяготы никогдаже уклонився,/ очистил еси себе, яко злато в горниле,/ Андрее блаженне.
Благоверная Анна Кашинская
Тропарь великой княгинt Анне Кашинской
глас 3
Днесь восхваляем тя, преподобная мати,/ великая княгине инокине Анно:/ яко бо лоза плодовита посреде терния,/ процвела еси во граде Кашине твоими добродетельми,/ всех удивила еси чудным твоим житием,/ темже Христу Богу угодила еси,/ и ныне, радующися и веселящися,/ пребывавши с лики преподобных жен,/ наслаждающися райския красоты и веселия./ Молим убо тя:/ моли о нас Человеколюбца, Христа Бога нашего,/ даровати нам мир и велию милость.
Кондак великой княгини Анны Кашинской
глас 4
Яко пресветлая звезда,/ явилася еси в Российстей земли, во граде Кашине,/ преподобная мати Анно,/ во всех благочестивых и верных женах,/ аки крин, процвела еси чистым и непорочным твоим житием,/ во инокинях же совершенными твоими труды и подвиги,/ и возшла еси к Вышнему граду, радующися и веселящися,/ яко добре совершивши твое течение,/ и ныне честныя твоя мощи,/ аки бисерие драгое, явишася,/ на исцеление всем, приходящим с верою./ Тем и вопием ти:/ радуйся, всекрасная душею,/ и моли Христа Бога/ о спасении душ наших.
